PARECE MENTIRA

Sí, parece mentira que fixéramos o difícil, que foi o chegar ata aquí, ata conseguir esta bonanza económica sabendo como era o noso punto de partida. E agora que o parecer somos a oitava potencia económica do mundo, andemos petando ás portas dos amigos pa conseguir formar parte dos que queren cambiar o sistema económico.

Esta mañán, escoitaba na radio opinións de xentes que coma min lles parecía do menos coherente, estar entre os dez primeiros e non pertencer os vinte mais importantes. Entre estas opinións estaba a dun home que tiña a solución a este desaguisado e dicía así: Espero que alguén do goberno estea escoitando e por unha vez fagamos algo con xeito, que copiemos dos rusos. Se tivéramos un exercito forte, serían os americanos os que se achegarían a pedirnos pareceres e non o contrario, o que fai falta neste país e que teñamos un exército forte:

Neste bendito país, onde todos entendemos de fútbol, de política, de economía, non entendo como os dirixentes non inventan unha especie de -parlamento da xente- onde poidamos opinar todos, ¡Quen sabe! Ata poderían saír ideas pa cambiar o sistema económico mundial e darlle unha lección os que non nos queren no seu equipo.

Porque cartos non teremos, pero o que son ideas non nos faltan. Ata o noso ex presidente Aznar deu a súa opinion pa saír da crise: Non gastar en parvadas como é o cambio climático - dixo.

En fin, que como dicía un home que coñecín, cada can caga a súa sentencia, e uns por os outros, a casa sen varrer.

servido por queixa 4 comentarios compártelo