Carballo amigo, que durante séculos  ofrendaches vida é descendencia mantendo activas rodas de carros, rabelas de arados ou mangos de tódalas ferramentas de labranza, que sostiveches pendellos é tellados, pisos é cercados, mobles é escanos. Que segues ofrecendo ó labrego, ó visitante ou ocioso de turno o teu fermoso danzar en humildes fogos de lareira, de pulidas cociñas ou chemineas con nomes estranxeiros. Quentando estancias ou mantendo con vida ós corpos consumidos do tempo, dos que un día foron compañeiros de fatigas, labregos que formaron parte desa natureza dá que ti, amigo Carballo, es príncipe.

Testiño mudo de liortas é amoríos, de traballos é estreitezas económicas, de longas camiñatas das que fuches compañeiro é cómplice, de medos é soidades, de aturuxos a desoras, desexos imposibles é luxuriosos amoríos.    

Serei eu, no nome de tódolos que estiveron ou están, o que dende este humilde espazo blogueiro, levante a voz aloubando a túa especie autóctona da nosa terra. Terra que ti soubeches escoller pra acompañar ós homes que habitaron montañas é vales, serras é chairas, ós que souberon apreciar a túa valía. No nome de todos eles, grazas amigo Carballo.

Hoxe habitas solitario as amplas touzas das serras, facéndote de novo o dono da Galicia rural, amplías territorios presentándote vestido de fermosos Liques verdes, ofrecendo cobizo é sombra o que coma min se achega a ti. Ós habitantes voadores agochas é fas de berce das novas xeracións defendéndoos dos posibles depredadores. Tí, coma min, es fillo da terra, é ti serás o que diga a derradeira palabra, o que agoche o coñecemento da supervivencia nas terras de montaña esperando o retorno do home ó seu lugar natural.