a esperanza

Cando nada queda, cando todo o querido nos abandona e a soidade se apodera dos rescaldos dunha vida, só a esperanza mantén ese remol que nos axuda a desexar un novo día. É a esperanza o bálsamo que alonga a vida de tantas persoas pas que mañá, é o futuro.

É a desesperanza, a que nos empurra a rematar ca vida cando é chegado o límite, esa liña que separa o vivir do estar vivo, do sobrevivir nas infrahumanas condición as que nos pode levar a miseria, a mala sorte ou a historia que as veces nos controla.

Escoitei un día unha testemuña que explicaba moi ben o que quero dicir. Era en Alemaña, nun dos campos chamados da morte, onde este home que falaba, xunto con moitos mais, purgaba o pecado de haber nacido xudeu: traballabamos- dicía: tódalas horas de luz facendo buracos é volvéndoos a tapar, e só tiñamos unha comida diaria composta dunha sopa onde case todo era auga, morrían cada día compañeiros por falta de alimento. O único que tiñamos pa agarrarnos á vida, era a esperanza de ver amañecer, cada día era un logro ó que nos agarrábamos esperando contar un mais.

Duro relato o seu, pero cheo de realidade. Dí o refraneiro que, mentres hai vida hai esperanza, eu enténdoo o revés, mentres hai esperanza hai vida. Só cando se vai a esperanza remata o que chamamos vida.

Que nunca nos abandone a esperanza é o meu desexo a tanto conxénere que perde o seu traballo nestes días, que sente a pesada desilusión que tamén coñezo. Hoxe escoitei unha de tantas historias que nos fan pensar é nos encollen o espírito. Unha familia de cinco membros que non vendo saída pa pagar a hipoteca despois de quedar sen traballo,decidiron quitarse a vida . Esta é a outra cara da moeda, mentres que un mantivo a esperanza en condicións límite é cumpriu os oitenta anos, outros con menos problema pa vivir, deciden rachar o fío porque a esperanza os abandonou.

Fagamos noso o proverbio que sempre llo apoñemos a Cunfurcio- eu fágoo- e que di: se o problema ten solución, non é problema, sen non a ten, pa que preocuparse..

Posts relacionados:

servido por queixa 7 comentarios compártelo