o que ten padriño, bautízase
Este vello refrán do sabio pobo galego, segue imperando neste século XXI. O que ten de padriño ó señor Baltar, ten asegurado un bautizo de primeira haxa ou non crise.
Lendo o boletín oficial da provincia de Ourense, atopamos cada día algún posto de traballo que en tempos de crise podemos denominar de (caralludo) con salarios por riba dos mil cincocentos euros, e -casualidade- sempre aproban os afillados políticos do presidente.
Non quero ser malpensado, nin dubidar dos coñecementos de tódolos achegados ó -patriarca- ¡que ben nos leva dado mostras de- espavilado! Só resaltar unha reiterativa -casualidade- que me leva a ser un escéptico no que a bautizos se refire.
Contábame fai tempo un amigo, que ten por padriño a un afillado deste señor- é contábamo como anécdota- que presentándose a unhas oposicións a peón caminero, é enfrontándose a douscentos aspirantes mais, algúns:dicía: con estudos superiores, sendo este amigo case analfabeto, conseguiu o posto porque había unha pregunta que só el coñecía.
É este amigo, o que se considera- un bo rapaz- ademais de traballador e que merecía este traballo. Pero todos estes atributos persoais, non mitigan en nada este sentimento de inxustiza que reina nesta fermosa cidade de Galiza, nin quita un ápice de razón ó vello refrán.
Violeta dijo
Na miña traxectoria teño visto moitos de esos " fenómenos paranormais " que mencionas, tais como: listados de contratación que non saen na súa data, porque hai que esperar a que " ao parente ou amigo de..... " lle dean uha vacante previa; prazas creadas única e exclusivamente para unha determinada persoa, que cando xa non a necesita ( porque optou a outra mellor) esa praza extínguese por arte de maxia, e xa non sae na próxima oferta de emprego, cambios de postos de lugar inimaxinables, e xa nin que decir ten eses aprobados que parecen verdadeiros miragres, (que ainda que eles sexan moi bos rapaciños e nos alegremos da súa " sorte "), non debemos esquecer que unha oposición debe ser imparcial, obxectiva e legal, e optar a ela todos en igualdade de condicións. Alguns de nós, cando fumos testigos dalgunha incidencia considerable ,intentamos poñela de manifesto impugnando o exame ou pechándonos nas aulas, sin sair ata que un notario levantase acta do que estaba sucedendo. Pero xa sabes ,vése que non estamos bautizados con esas augas que bendicen os incompetentes, badulaques e mequetrefes. Así que decidimos sair a buscarnos a vida fora ( onde cun só examen aprobado , ofrecíannos vacantes , mentras que aquí cos tres exámenes aprobados, só podemos optar a simples " contratiños). Confiemos en que algún día se lles acabe a auga da pila bautismal, porque xa ves que expectativas !!!. Un bikiño
12 Mayo 2009 | 01:07 PM