falando de política

Por sorte, entramos na recta final desta campaña política que, ó parecer, non interesa a ninguén que non sexan os propios beneficiados- europarlamentários- que nestes tempos de reformas aseguran un posto de traballo de calidade por o que a remuneración se refire. Ós demais- xente de a pe- como nos chaman, seguimos, no meu caso, sen entender e sen que ninguén teña interese en explicárnolo, que diferenza pode haber pra o noso benestar, se ten mais deputados o partido Popular, ou o partido Socialista? Particularmente, non o sei. Eu que intento escoitar e aprender, solo me falan das ideas de sempre, as que separan ós dous partidos políticos en cousas tan caseiras como a píldora do día despois, o caso wurtel, ou a morea de parados no noso país. Ninguén me di, cal é a postura de uns ou dos outros en temas de emigración a nivel europeo, nin que diferenzas hai ó momento de falar da ampliacións ou de reparto de riquezas.

Algo teño moi claro, que nestes, igual que en tódolos enfrontamentos electorais que recordo, e sen importar cales sexan os resultados- todos sairemos gañando - gañarán os que consigan mais votos, mais deputados, e ata os que nada consigan dirán que foi unha vitoria. Isto, é o único que me gusta das eleccións en España, que todos se acusan de mentir, é que ninguén   di a verdade do que senten realmente despois do reconto electoral.

 Sublime paradoxa parece, que todos nos falen da necesidade de acudir ás furnas, e que ninguén nos conte seriamente de que vai.  

servido por queixa 10 comentarios compártelo