Palabras dun loitador, dun relixioso que admiro <Pedro Casaldáliga> .Quizá, se o catolicismo tivera como aspiración final a loita contra a fame e en prol dos dereitos humanos, ós que este comprometido poeta dedicou a súa vida, ninguén deixaríamos de apoiar e sentirnos comprometidos ca igrexa católica.

Cando o expansionismo neoliberal, que combate, catalogou ó indio anónimo< Carajá ou Tapirapé > como inimigo a bater en favor duns intereses intrinsecamente monetarios, decidiu o mais difícil, o menos seguro pra súa vida, o que ningún membro da curia católica apoiou. Poñer canto tiña de poder mediático e pastoral pra defender ós que cualifica de irmáns en Cristo.

Trinta anos de loitas contra gobernos corruptos, contra da súa propia igrexa que o desautorizou por  seguir fielmente o mandato do fundador que dixo:< o que ame a un destes -  referíndose ós pobres- tamén me ama a min>. El amou ós pobres combatendo a Malaria, axudando a que fosen recoñecidos como cidadáns libres. Grazas a  el, cincocentas persoas, de mais de cinco mil que habitaban as orelas do río Tapirapé, viven libres nun medio que sempre foi o seu.

Pode que sexan estes, os perseguidos, os desautorizados e marxinados pola curia católica, os verdadeiros seguidores daquel Xesús de Nazaré  que intentou unha utopía< amádevos uns ós outros, como eu vos amei> e que pagou ca vida.

Os outros, os que teñen como meta o poder a calquera prezo. Os que a estes loitadores cualifican de renegados, reformistas fora da igrexa, teóricos da liberación, deberían comezar dende o principio, dende aquelas palabras que tanto queren agochar: se queres ser dos meus, regala ós pobres canto tes, é sígueme: