festas en queixa
Estamos de festa
Onde queira que vaiamos dentro da nosa terra, serán festas, ou estarán a punto de se celebraren. Festas dedicadas aos santos, os emigrantes ou á gastronomía, á choiva ou ás patacas, enchen de colorido a fermosa terra galega.
Tamén en Queixa son festas nesta fin de semana. Non sabemos á honra de que santo, pero festas, con musica, fogos é deliciosos manxares pra dar pracer ós nosos gustos de por si acostumados aos bos, e abundantes alimentos de Galicia.
Din, que nalgún lugar hai crise, pode ser, pero noutro tempo, porque ó momento de celebrar festas, somos os galegos o número un en tirar a casa por a ventá, de esquecer crises e estreiteces, é momento de poñer en valor a tan merecida fama de –farturentos- de esquecer a crase á que a sociedade nos ten relegados, de gozar da presenza de familias e amigos, de estrear o mellor dos sorrisos, de como diría un amigo meu, bailar e pasalo ben.
Quero dende este humilde recuncho invitar á festa, a tódolos que len- ou comentan sen ler- as miñas divagacións de vello, baseadas as mais das veces, nos recordos doutros tempos que nos resistimos a perder,e se a inquedanza de coñecer lugares fermosos vos empurra ata aquí, tamén teredes un teito onde durmir e un grolo de bo viño.
