BO NADAL

Gustaríame, que estas datas de finxida alegría, de campas e cores vermellos  onde todo parece convidar á paz, non fose unha artimaña mais deste mercado sen alma.

Gustaríame, que esas  palabras de paz ( urbi et orbi ) pronunciadas por a cabeza visible da poderosa igrexa católica, non fosen o froito dunha ancestral costume cristiá.

Gustaríame, que esa carteira que se abre nestas datas pra mercar eses galanos que espertarán ilusións, non só no que os recibe, senón tamén no que os dá, non se pechara o resto do ano ó momento de axudar ós que menos ten.

Gustaríame, que nesas ceas de empresa onde se pretende redimir a inxustiza dun ano, permanecese aberta a porta ó diálogo, ó entendemento, á esa igualdade tan compartida cando somos espectadores.

Gustaríame que por unha vez, este deus que nace espido cada ano, que coñece a alma humana e a súa miseria, que sabe de sufrimentos e desterros, non esqueza ós que aínda neste século carecen de nación propia, ós que foron desterrados á forza do seu lugar de nacemento. Que non se empanen estas festas coa morte dunha persoa que pide xustiza, dunha Saharauí que tamén é nai.   

Gustaríame a pesar de todo, que estas datas fosen cheas de felicidade pra todos, en especial, para tódolos que neste ano pasaron por este lugar deixando a súa reflexión, a crítica ou esa palabra amiga que tanto nos gusta, a todos eles.  FELICES FESTAS DE NADAL 

servido por queixa 3 comentarios compártelo