cuestión de sorte

 onde se agochan as meigas

Perder e ganar, así é o xogo da vida. En   cada movemento que facemos estamos arriscando. A vida ao igual que nunha partida de damas, conta o factor sorte, non só a sorte, pero tamén, porque moitas veces a nosa sorte non depende soamente de nos, senón, dos movementos alleos.

Imaxinádevos que mañá, día da lotería nacional, o bombo onde a bola con ese número que ti tes comeza a xirar, é xira é xira ata que a túa sorte a leva á porta de saída, ¿qué podes facer ti, ou eu para que isto ocorra? Nada, dependemos case por enteiro da sorte, e digo case, porque se non mercaches un número non hai sorte que valga.

Imaxinádevos agora o xiro que poderían dar as nosas vidas por unha causalidade tan simple, ¡unha bola que pode cambiar o curso de moitas vidas! Para ben ou para mal, ¡quén sabe! De todos modos, e sabendo que solo se vive unha vez, polo de agora, deséxovos toda a sorte posible para que se cumpra ese sono que todos agochamos, e se por esa casualidade da que dependemos, en parte, se cumpren os sonos,  unha chamadiña, un correo ó Messenger ou un- iuuupi -  que resoe en Queixa, será recibido con moita alegría. De non ser así, non vos preocupedes demasiado, porque como se sole dicir: o caso é, ter saúde:  Sorte a todos..  

servido por queixa 2 comentarios compártelo