Se deus non o remedia que imaxino, vai ser que non, este ano tan cargado de enfrontamentos políticos, desgrazas naturais, problemas aéreos e toda crase de noticias voas e malas, está condenado a desaparecer. Cousas poden ocorrer antes da súa desfeita total, entre elas, que a deusa fortuna teña a ben poñer os ollos en nos, que como dicía e creo, vai ser que non.

Quédanos algo deste ano no maxín, algo que pode cambiar ideas e transformar esta sociedade , a certeza de ser aqueles dados que don Pedro Calderón describiu en - El gran teatro del mundo- que remexidos no cubo da fortuna ocupamos o lugar que os - manda mais -nos indican. Sabemos por fin, que son os EU os que controlan aos monicreques da gran comedia pra que este mundo siga xirando no senso que mais lles convén.

Ninguén sabe como rematará a aventura de sacar á luz as miserias dos intereses humanos, as verdades escritas que nos son agochadas ao resto dos mortais. Como queira que sexa, e se deus non bota man, entraremos noutro ano coa mesma ilusión de sempre, atopar traballo algúns, saúde outros, amor todos. Desexando moreas de felicidade pra os amigos, coñecidos e mundo en xeral. Pra todos. Feliz fin de ano.